Allergattig Värsli, uss alte (Basler)-Zyte.
______________________________________________
E glungeni Antwort vom Stachelbeeri.
uff der äxtraa Syte.
_____________________________________________
Pflotsch vom Blasius
Lueg, wie scheen! Vom Himmel abe
Waihts der Schnee uff Wäg und Huus.
D Wält isch glatt und ohni Grabe.
Zuggrig wyss gseht s Läben uus.
Mainsch nit, dass de Fraid ha sottsch? Wart no! Morn drampsch doch in Pflotsch.
Was di frait, muesch mängmool biesse.
Bisch vergniegt, scho isch es z frieh.
Ebbis dropft der zmitts ins Gniesse,
Us em Säge gits e Brieh.
Und uff aimool stohsch, du Dotsch,
Mit de nasse Schueh im Pflotsch.
Kumm, mach kaini Stämpeneie!
Nimms, wies kunnt, und bhalt dy Rueh.
Loss der nit in d Suppe schneie,
Mach kai Kopf und butz der d Schueh!
Alli hämmer s Glych, was wottsch:
Fraide, Sorge, Sunne, Pflotsch. |
Soll i oder soll i nit ? 1.
Värs;
vom Blasius
I zell mi nit
grad zue de Hirteknabe.
I bin e Beppi und derzue vom
Daig
Und ha vom Bappe här am
Dalbegrabe
E scheen alt Huus, won i voll
Fraide zaig.
My Architekt sait zwor, s gheer abegrisse,
E nei Renditehuus syg vyl meh nutz;
Das stimmt nadyrlig, und doch sticht mis s Gwisse,
Men isch doch z Basel
fir der Haimetschutz !
Verkauf i s
jetz, i miecht e guete Schnitt . . .
I Waiss nit,
soll i oder soll i nit.
|
|
|
_____________________________________________
Diirggehoonig, vom Blasius (Mässafang isch diss Joor am 27. Oktober 01!)
Roosekiechli, Biirewegge,
Nougat, Marzipaan und Megge,
eppis aber daarf nit fähle,
doon e griene, deert e gääle ...
schrybsch vo unserer mäss e Groonig:
Diirgehoonig
Laider findsch en, was jo schaad isch,
uff der Mäss nur no sporaadisch
Blezlig gsehsch e Mogge lyychte,
root und wyss. e glitschig-fyychte,
scho fir d Augen e Bilohnig:
Diirgehoonig
Und glyy, ohni di lang z bsinne,
hesch e Hampflen in der inne.
Heerlig siess wie Bienewaabe
laufft s der iber d Zungeen aabe.
Nai, dy Maage bruucht kai Schoonig:
Diirgehoonig
Bisch dehaim, so hesch e Moose
uff em Gilet und de Hoose.
An de Zehn gspyyrsch langi Fääde,
an de Blombe lyychti Schääde.
Glääbrig isch die halbi Wohnig:
Diirgehoonig
_____________________________________________
Si kunnt
Wider
kemme d'Orgelemännli,
D'Wafflebegge mit de Pfännle,
Dirggehonig, Nougat, Megge,
Wirschtli git's an allen Egge.
D'Bude
zaigen ihri Wunder,
D'Rytene der Sydeplunder,
Ihri
Grälleli, wo glänze,
D'Orgele, wo Lieder schränze.
Autokäre, Hippodreemer!
Schlachtebilder vo de Reemer
Gseht men im Panoptikum,
Uff dr Rutschbahn lachsch di grumm.
Heecher
dien aim d'Härze schwelle
Bi de gloggte Schiessmamselle.
Zyle mues me mit de Händ
Numme by de Balleständ.
Rosekiechli, Magebrot,
Hau der Lukas! Roserot
Kunnt der vor die ganzi Wält!
Loos, wie's brielt, und loos, wie's schällt!
D'Mäss zieht y! O herbschtlig Wunder!
's isch
fir jeden eppis drunder,
Und wenn's Läbe noh so mys,
Vierzäh Dag lang Paradies!
Vom Theodor
Baerwart.
Mässafang isch diss Joor am 27. Oktober 01!
_____________________________________________
Verzellt Dir x-e Frind, e
liebe,
e Gschichtli, und De merggsch derby,
ass är Di wott uff d Rolle schiebe
und ass sy Gschwätz nit woor ka sy.
So luegsch en vo dr Syten aa:
Verzell Du das em Fäärimaa
Vom Blasius
_____________________________________________
Der
Blasius iber Ziri.
Iber d Zirihegel
schneede
Wott in Basel fascht e Jede.
Kumm, vergiss fir hit dä Drang !
Hesch di aimoll duregrunge,
Findsch au Ziri no ganz glunge,
Wenigschtens e Weekend lang.
_____________________________________________
Dalbekirchli
vom Blasius
Wottsch di aigetlig
verstegge,
Kirchli
nooch am griene Rhy,
Und in
dym verdraumten Egge
Vo der
Wält vergässe sy ?
Wär
di finde wott, mues sueche.
Bisch
kai Kirche, wo sich sunnt.
Hinder
Tannebaim und Bueche
Wartsch
druff, dass me zue der kunnt.
Wär
fir d Stilli nit parat isch,
Zellt in
dynen Auge nit;
Aber
dä isch dir sympathisch,
Wo sich
in dy Fride git.
Alles um
di isch im Schatte,
Und im
dunkelgriene Moos
Liegen
alti Greeberplatte,
Wättergrau und
haimetlos.
Und so
still ischs bi der inne,
Dass me
heert, wies Härz aim schloot,
Und dass
jeden ohni Bsinne
Uff de
Zeechespitze goht.
Kirchli,
glai und fascht verlore...
Allewyle
dänk i dra,
Dass i
in dym Huus vor Johre
Voller
Gligg ha Hochzyt gha.
Dorum
blybsch du mir firs Läbe
In der
Seel vertraut und nooch,
Und my
Härz suecht nie vergäbe
Troscht
in dyner ghaime Sprooch.
______________________________________________
Und
dä Raim uss unbekannter Härkunft!
Susanneli,
Susanneli,
stand
uff und mach e Liecht!
Y heren
ebbis drämpele,
y main,
es syg e Dieb.
Nai,
nai, Mama, nai nai Papa!
s isch
nur der Bebbeli Meria
mit
syner lange Pfyffe,
het
hundertduusig Lechli dra,
er ka si
nit ergryffe!
______________________________________________
Oschtervärsli
uss em Kindergarte, ebbe 30-jöörig:
En
Osterhäsli sitzt im Wald |
Und
sait y mues uff Basel springe |
zum
de Kinder schöni Eier z bringe. |
roti,
blaui und gäli... |
und
nur die wo ganz brav sinn |
bikömme
eins. |
|
|
wär weiss
der Schluss no gnauer? |
aglikke und schryybe |
______________________________________________
Wohär kunnt
äggsch das? Y glaub vo myner Frau - der Béa
Meier! |
|
|
Mechtsch du
gligglig sy und froo |
|
Muesch anderi Lyt
au Lääbe loo |
|
Loss jedem synni
Mugge |
|
Aber loss dy nid
verdrugge |
|
Du und Jede hetts
glych Rächt |
|
Syg är
Kaiser oder Knächt. |